Манай баг хамт олон Монгол улсад тулгараад буй сэтгэл зүйн, хүний эрхийн, ажлын байрны асуудлуудад туслалцаа үйлчилгээний хүртээмжгүй байдлыг шийдвэрлэхээр blindcare олон нийтийн платформыг хөгжүүлж байна.
blindcare платформ нь өнгөрсөн 2022 онд НҮБ-ын “Тогтвортой хөгжлийн бодлогын манлайлагч байгууллага”, Unread awards “Шилдэг апп”, Мэдээлэл технологийн салбарын “Шилдэг төсөл” зэрэг нэр хүндтэй шагналыг хүртээд байна.
Мөн платформд 80+ мэргэжлийн сэтгэл судлаачид зөвлөгөө тусламж үзүүлэн ажиллаж байна. Цаашид энэ тоо нэмэгдсээр байх бөгөөд мэргэжлийн зөвлөхүүдээр цар хүрээгээ тэлж байна.
blindcare платформд өнөөдрийн байдлаар 79 мянган хэрэглэгч, 60 мянган пост бичиж, 140 мянган тест бөглөж, өдөр тутамдаа идэвхтэй ашиглаж байгаа бөгөөд энэ тоо нэмэгдсээр байна.
Өнөөдрөөс эхлэн blindcare платформ байгууллагуудтай хамтран ажиллах шийдлүүдээ танилцуулж байна. Та өөрийн байгууллага, аж ахуйн нэгж болон төрийн бус байгууллагаараа дамжуулан дараах үйлчилгээнүүдийг авах боломжтой боллоо.
1. Ажилтнаа халамжлаарай /well-being/
Компанийнхаа нийт ажилтнуудын сэтгэл зүйн эрүүл мэндэд анхаарч, багц үйлчилгээг бэлэглээрэй. Дээрх үйлчилгээг авснаар таны ажилтны сэтгэл зүйчийн үүргийг бид гүйцэтгэх бөгөөд гэр бүл, харилцааны олон асуудлууд шийдэгдснээр ажлын бүтээмж нэмэгдэж, хамт олны ойлголцол илүүтэй бүрдэх, цаашлаад компанидаа урт хугацаанд сэтгэл хангалуун ажиллах боломж бүрдэх юм.
Дэлгэрэнгүй мэдээлэл авах: http://www.blindcare.mn/old/wellbeing
2. Тогтвортой хөгжлийн бодлогод гар бие оролцоорой
Манай платформ бодит хэрэглэгчдийн асуудалд хандив өгөх, түүгээрээ дамжуулан “Тогтвортой хөгжлийн бодлогын 3, 5, 9, 10, 17” зорилтуудад гар бие оролцож, хэрэгжүүлэх орон зайг байгууллагуудад зориулан Монголд анхлан нээж байна.
Дэлгэрэнгүй мэдээлэл авах: http://www.blindcare.mn/old/sdg
3. Хэрэглэгч, харилцагчаа халамжлаарай
Нийгэм хөгжихийн хэрээр сэтгэл зүйн тулгамдсан асуудал ихсэж байгаа өнөө үед харилцагчид болон хэрэглэгчдийнхээ сэтгэл зүйн эрүүл мэндэд анхаарах нь шинэлэг бас зөв шийдэл болж байна.
Дэлгэрэнгүй мэдээлэл авах: http://www.blindcare.mn/old/care
4. Сурталчилгаа байршуулаарай
Платформд өдөр тутамд хандах хэрэглэгчдэд хамгийн тодоор харагдах, хүртээмжтэй байршилд баннер сурталчилгаагаа байршуулаарай.
Мөн байгууллагынхаа танилцуулга, бүтээгдэхүүний танилцуулгыг дэлгэрэнгүй байдлаар байршуулах боломжтой. Хямд бөгөөд үр дүнтэй шийдлийг танд санал болгож байна.
Дэлгэрэнгүй мэдээлэл авах: http://www.blindcare.mn/old/commercial
